పిండీ, బెల్లమూ ఇచ్చి పిన్నమ్మా నీ ప్రసాదం అన్నట్టు

సొమ్మంతా ఒకరి చేతికిచ్చి కొద్దిపాటి ఖర్చులకు కూడా వారిని అడగాల్సిన దుస్థితిలో ఉంటుంటారు కొందరు. ఇది తెలివితక్కువ వ్యవహారం. సొమ్మంతా ఇతరులకు ఇచ్చి కావలసినది యాచించటమంటే బుద్ధిలేనితనంకిందే లెక్క. పిండి, బెల్లం రెండూ ఉంటే చలిమిడి, బూరెలలాంటి పిండివంటలు చేసుకొని తినొచ్చు. అలాకాక ఆ బెల్లం, పిండి వేరొకరికి ఇచ్చి వారు పెట్టిందే ప్రసాదంగా తినటమంటే ఎలాంటిదో సొమ్ము ఒకరికి ఇచ్చి చిన్నచిన్న ఖర్చులకు వారిని అడుగుతూ వారి దయాధర్మాల మీద ఆధారపడటం అలాంటిదేనని ఈ జాతీయం వివరిస్తోంది.