Latest posts
-
గాడిద గుడ్డు పెడుతుందా? గద్ద పిల్లను కంటుందాన్నట్టు
కొన్ని కొన్ని అసాధ్యాలను గురించి స్పష్టం చేసేటప్పుడు ఈ జాతీయాన్ని వాడటం కనిపిస్తుంది. గాడిద గుడ్డు పెట్టడం, గద్ద నేరుగా పిల్లను కనడం సృష్టిలో జరిగే పనికాదు. అలాగే ఎదురుగా ఉన్న పని అసంభవం అని చెప్పాల్సివచ్చినప్పుడు ఈ జాతీయాన్ని వాడుతుంటారు. మూలం: eenadu.net
-
కలుపు తియ్యని మడి… దేవుడు లేని గుడి
ఏ పని చేసినా సంస్కారవంతంగా ఉండాలంటారు పెద్దలు. ఈ విషయాన్ని వ్యవసాయానికి ముడిపెట్టి చెప్పిన జాతీయం ఇది. మడిలో కలుపు తియ్యకుండా ఉంటే చేను బాగా పండటం కష్టం. దానివల్ల రైతుకు ఎలాంటి ఉపయోగం ఉండదు. గుడి అనగానే లోపల దేవుడి విగ్రహం ఉండి ఆ ప్రదేశమంతా సంస్కారవంతంగా పూజలు లాంటివన్నీ జరుగుతూ ఉండాలి. దేవుడు లేకపోతే గుడి ఉన్నా వృధానే. దేవుడు ఉన్నప్పుడే గుడికి విలువ పెరిగినట్టు కలుపు తీసినప్పుడే మడికి విలువపెరుగుతుంది ఈ పోలికలతో…
-
వూరోరి పత్తి వూరోరి చమురు వూగూగు దేవుడా..
కొంతమంది లోకుల సొమ్ముతో సరదాగా కాలక్షేపం చేస్తుంటారు. అలాంటి వారిని గురించి వ్యంగ్యంగా చెప్పేటప్పుడు ఈ జాతీయాన్ని వాడుతుంటారు. దేవుడిముందు వెలిగించే దీపంలో వత్తికి సంబంధించిన పత్తి, చమురు అన్నీ వూరి వారివే. కానీ ఆ దీపపుకాంతి ఆలయంలో ప్రసరిస్తూ కాంతిని కలిగిస్తుంటుంది. అలాగే కొంతమంది ఎదుటివారిచ్చే డబ్బు లేదా ఇతర వస్తువులను వాడుకొంటుంటారు. అవన్నీ వారివేనన్న భ్రమను కలిగిస్తుంటారు. అలాంటి సందర్భాలలో దీని ప్రయోగం గమనార్హం. ఇక్కడ వూగూగు దేవుడా అన్నది బాగా ఆనందించు నీదేమీ…
-
ఇచ్చిన వాడు తలమీద.. ఇవ్వనివాడు నేలమీద..
తమకు సహాయం చేసిన వారిని మాత్రమే కొందరు గౌరవిస్తుంటారు. ఇతరులను ఏమాత్రం పట్టించుకోకపోగా కొన్ని సందర్భాలలో అవమానిస్తుంటారు కూడా. అలాంటి వారిని గురించి చెప్పాల్సి వచ్చినప్పుడు ఈ జాతీయాన్ని వాడటం కనిపిస్తుంటుంది.'వాడితో జాగ్రత్త ఇచ్చినవాడు తలమీద, ఇవ్వనివాడు నేలమీద అనే రకం' అనేలాంటి ప్రయోగాలున్నాయి. మూలం: eenadu.net
-
పులికి ఏ అడవైనా ఒక్కటేనన్నట్టు..
పనిచేసేవారికి, శక్తిసంపన్నులకు ఏ ప్రదేశమైనా ఒకటేనని చెప్పాల్సి వచ్చినప్పుడు ఈ జాతీయాన్ని వాడుతుంటారు. ఉద్యోగుల బదిలీ విషయంలో ఇది ఎక్కువగా వినిపిస్తుంటుంది. పులి గాంభీర్యానికి, శక్తికి సంకేతం. శక్తిగలవాడు లేదా తెలివికలవాడు ఎక్కడకు బదిలీ అయినా తన పని తాను సక్రమంగానే నిర్వర్తిస్తాడని తెలియచెప్పే సందర్భాలలో దీన్ని వాడుతుంటారు. మూలం: eenadu.net
-
బడిలేని చదువు, వెంబడిలేని సేద్యం..
వ్యవసాయాధారితమైన దేశం కనుక మన దేశంలో సేద్యాన్ని పోలికగా తీసుకొని అవతరించిన జాతీయాలు చాలా ఉన్నాయి. అలాంటి వాటిలో ఇదొకటి. చదువు, వ్యవసాయం రెండూ సక్రమంగా ఉండాలంటే ఏ పరిస్థితులుండాలో దీనిలో చెప్పటం కనిపిస్తుంది. బడికి వెళ్లి చదువుకుంటే తెలియని విషయాలను ఉపాధ్యాయుడు వివరంగా చెప్పి ఆ విషయాలను మనసుకు పట్టేలా చేస్తాడు. అలా చదివితేనే మంచి జ్ఞానం లభిస్తుంది. అలాగే వ్యవసాయదారుడు పొలం దున్ని నాట్లు వేసిన దగ్గర నుంచి ప్రతి నిత్యం పొలం వెంబడే…
-
వంట అయింది కానీ వడ్లు ఇంకొంచెం ఎండాలన్నట్టు..
కొంతమంది అప్పగించిన పనిని సమయానికి ముగించకుండానే ఆ పని ముగించేసినట్టు చెబుతుంటారు. నిక్కచ్చిగా నిలదీసి అడిగితే తప్పించుకోవడానికి ఏవో కారణాలను చూపుతుంటారు. అలాంటి వారిని గురించి లేదా అటువంటి పరిస్థితులను గురించి తెలియచెప్పాల్సి వచ్చినప్పుడు ఈ జాతీయాన్ని వాడటం కనిపిస్తుంది. ఒక వ్యక్తికి అన్నం వండే పని అప్పగించారట. అన్నం వండుతానని ఒప్పుకొన్న మనిషి వంట అయిందా అని అడిగితే అయింది అని చెప్పాడు. తీరా ఏది అని అడిగినప్పుడు ఎండబెట్టిన వడ్లు సరిగా ఆరలేదని అందుకే…
-
గరుడాయ లెస్సా అంటే…
గరుడాయ లెస్సా అనంటే శేషాయ లెస్సా అన్నట్టు అన్నది జాతీయం. గరుడుడు, శేషుడు ఎవరి స్థాయిలలో వారు గొప్పవారే. కానీ ఒకరినొకరు పలకరించుకోవటానికి వారి మధ్యన ఉండే జాతి వైరాలులాంటివి అడ్డు వచ్చే అవకాశాలుంటాయి. ఆత్మాభిమానం కూడా అడ్డురావచ్చు. కానీ పరిస్థితిని ప్రశాంతంగా ఉంచడానికి ఆ ఇద్దరిలో ఎవరో ఒకరు ముందుగా ఎదుటివారిని ఎలా పలకరిస్తే కచ్చితంగా అదే తరహా పలకరింపులో ఎదుటివారు కూడా పలకరించవచ్చు. ఇలాంటి పరిస్థితులు ఎక్కడైనా ఎదురైనప్పుడు ీఆ ఇద్దరూ ఎదురైనప్పుడు గరుడాయ…
-
కాలుజారి నేల మీద పడి…
కాలుజారి నేల మీద పడి నేల అచ్చిరాలేదన్నట్టు అన్నది జాతీయం. ఆడలేక మద్దెల ఓడన్న దానికి ఇది సమానార్థకం. ఓ వ్యక్తి సరిగా చూసుకోకుండా అజాగ్రత్తగా నడుస్తూ జారి కిందపడ్డాడట. అజాగ్రత్తగా ఉండటమన్నది అతడి వైపు నుంచి జరిగిన తప్పు. ఆ తప్పును కప్పిపుచ్చుకొనేందుకు ఛీఛీ ఈ నేల నాకు కలిసి రాలేదని విసుకున్నాడట. ఇదే తీరులో కొంతమంది తమకు అప్పగించిన పనిని చేయలేక తమ అసమర్థతను కప్పి పుచ్చుకుంటూ ఎదుటివారి మీదనో, ఆ పని చెప్పిన…
-
అమ్మా తల్లీ అంటే అప్పాలన్నీ తినేసిందన్నట్టు..
చనువిస్తే చంకనెక్కింది అన్న దానికి సమానార్థకం ఇది. కొంతమందికి ఏ కొంచెం అలుసిచ్చినా మొత్తం ఆక్రమించి అలుసిచ్చిన వారిని అణగదొక్కుతుంటారు. అలాంటి వారి గురించి ప్రస్తావించాల్సినప్పుడు ఈ జాతీయాన్ని వాడటం కనిపిస్తుంది. ఒకామె కాస్తంత కష్టకాలంలో ఉంది కదాని ఆమె మనస్సును కష్టపెట్టడం ఇష్టం లేక అనునయిస్తూ బతిమలాడారట ఎదుటివారు. దాంతో ఆమె తనను వారంతా బతిమలాడుతున్నారంటే తానే గొప్ప అనుకొని ఎదుటివారు తినటానికి సిద్ధంగా ఉంచుకొన్న అప్పాలను (పిండి వంటలను) మొత్తం లాక్కొని తానే తినేసిందట.…