Latest posts
-
ఆ మొద్దులోదే ఈ పేడు కూడా
ఒకేలాంటి లక్షణాలు కలిగి ఉన్నవారు అనే అర్థంలో ఈ జాతీయం ప్రయోగంలో కనిపిస్తుంది. ఒకే తానులో ముక్కలు అనేలాంటిదే ఇది. అయినా దీని ప్రయోగం మాత్రం విమర్శనాత్మక పరిస్థితుల్లో ఎక్కువగా ఉంటుంది. ఇద్దరు వ్యక్తులలో ఉండే సమాన దుర్మార్గ లక్షణాలను చెప్పాల్సి వచ్చినప్పుడు దీన్ని వాడుతుంటాయి. మొద్దు, పేడు అనేవి కఠిన హృదయానికి ప్రతీకలుగా వాడటం అలవాటుగా ఉంది. మొద్దుబుర్ర, మొద్దుబారిన గుండె లాంటి ప్రయోగాలున్నాయి. ఆ క్రమంలో వీడు కూడా అలాంటి దుర్మార్గుడే అని ఎవరి…
-
ఏమీలేని వారికి ఎచ్చులు లావు
ఏమీలేని వానికి ఎచ్చులు లావు.. స్వాములవారికి జడలు లావు అన్నట్లు అన్నది జాతీయం. ఏ విషయమూ లేని వ్యక్తి తన లోపాన్ని కప్పిపుచ్చుకొనేందుకు ఎచ్చులు చెబుతుంటాడన్నది సత్యం. అది ఎంతటి సత్యమంటే కొంతమంది స్వాములకు జుట్టు జడలు కట్టి ఉంటుంది. అది ఎంత సత్యమో ఇదీ అంతే సత్యం అని ఉదాహరణ పూర్వకంగా తెలియచెబుతూ ఎలాంటి విషయమూ లేని వాని మాటలను నమ్మవద్దని తెలియచెప్పే సందర్భాలలో ఈ జాతీయ ప్రయోగం కనిపిస్తుంది. మూలం: ఈనాడు.నెట్
-
అప్పు లేకపోతే ఉప్పుగంజైనా మేలు
అప్పు తీసుకోవడం దాన్ని తీర్చలేక కష్టాలపాలు కావటం మంచిది కాదని హెచ్చరించే సందర్భాలలో పెద్దలు ఉదహరించే జాతీయమిది. అప్పు చేసి పప్పుకూడు తిని ఆ తర్వాత అందరితోనూ అవమానాలు పొందేకన్నా తాను సొంతంగా సంపాదించుకున్న ఉప్పు వేసిన గంజైనా ఎంతో గొప్పదంటారు. పూర్వం ఇప్పట్లోలాగా ఇన్నిన్ని రకాలుగా అప్పులిచ్చే పద్దతులుండేవి కావు. తీర్చటానికి తగినన్ని వనరులు కూడా ఉండేవి కావు. ఆ రోజుల్లో ఉద్భవించింది ఈ జాతీయం. 'వాడిస్తానంటే మాత్రం అప్పు తీసుకుంటానా? అప్పు లేకపోతే ఉప్పు…
-
రాజు పగ, తాచు పగ ఒకటేనన్నట్లు
రాజు అంటే ప్రజల మీద సర్వాధికారాలు ఉన్నవాడు. అలాంటి అధికార సంపన్నుడు ఎవరి మీదైనా కోపం తెచ్చుకొని పగబడితే అది తాచుపాము పగలాంటిదేనని తెలియచెప్పే సందర్భాలలో ఈ జాతీయ ప్రయోగం కనిపిస్తుంది. తాచుపాము పగపడితే చాలా ప్రమాదమని జన బాహుళ్యంలో ఉన్న నమ్మకం. దాంతోపాటు అధికారం చేతిలో ఉన్నవారి క్రూర స్వభావం రెండింటినీ సరిపోల్చుకుంటూ అధికార మదోన్మత్తులతో తగాదాపడవద్దని హెచ్చరించే సందర్భంలో ఈ జాతీయ ప్రయోగం కనిపిస్తుంది. మూలం: ఈనాడు.నెట్
-
శ్రుతిలేని పాట సమ్మతిలేని మాట అన్నట్టు
ఇంపుగాలేని వ్యవహారం అనే అర్థంలో ఈ జాతీయం ప్రయోగంలో ఉంది. కొన్నికొన్ని పనులు ఇష్టం లేకపోయినా చేయాల్సిన పరిస్థితులొస్తాయి. అలాంటప్పుడు ఆ పరిస్థితులను ఈ జాతీయంతో పోల్చి చెప్పటం కనిపిస్తుంది. 'ఏమిటోలే ఇదంతా శ్రుతిలేని పాట సమ్మతిలేని మాట అన్నట్టుంది' అనేలాంటి ప్రయోగాలున్నాయి. పాటకు శ్రుతి లేకపోతే వినబుద్ధి కాదు. సమ్మతించటానికి ఇష్టపడకుండా ఏదో మాట్లాడాలి కదా అని అడిగిన దానికి ముక్తసరిగా మాట్లాడేమాట కూడా ఇంపుగా ఉండదు. ఈ భావన ఆధారంగానే ఈ జాతీయం ప్రయోగంలోకి…
-
ఉప్పు తిన్న ప్రాణం వూరుకోదన్నట్టు
కొంతమంది ఎదుటివారి దగ్గర మేలు పొందినప్పుడు తిరిగి ఏదో ఒక మేలు చేసి తమ కృతజ్ఞతను తెలుపుకోవాలని అనుకుంటారు. అలాంటివారి తత్వాన్ని గురించి వివరించే సందర్భాలలో ఈ జాతీయ ప్రయోగం కనిపిస్తుంది. ఉప్పు ఆహార పదార్థాలలో రుచి కోసం వేస్తుంటారు. అయితే ఉప్పు తినటం అనే మాటకు కష్టాల్లో ఉన్నప్పుడు ఆహారపరంగా కానీ వ్యవహారపరంగా కానీ సహాయం పొందటం అనే అర్థంలో వాడుకలో ఉంది. 'ఉప్పు తిన్న ప్రాణం వూరుకోదన్నట్టు వాడు చేసిన సహాయానికి బదులుగా ఆ…
-
కొడుకును కంటాను అత్తమ్మా అంటే..
కొడుకును కంటాను అత్తమా అంటే వద్దంటానా కోడలమ్మా అన్నట్టు అన్నది జాతీయం. ఇష్టమైన వస్తువులను లేదా పదార్థాలను ఒకరి దగ్గర నుంచి తీసుకొనేటప్పుడు వాడుకలో ఉన్న జాతీయం ఇది. ఇష్టమైన వస్తువులను ఇస్తామంటే కాదనేవారు ఎవరు? అనే భావంలో ఇది వాడుకలో కనిపిస్తుంది. వంశోద్ధారకుడైన కొడుకును కంటానని అత్తతో కోడలు అంటే ఆ అత్త ఆనందపడుతుంది. దీని ఆధారంగానే ఈ జాతీయం ప్రయోగంలోకి వచ్చింది. మూలం: ఈనాడు.నెట్
-
చెట్టులేని చేను, చుట్టం లేని వూరన్నట్టు
నిరుపయోగమైన వాటి గురించి పోల్చాల్సిన సందర్భాల్లో ఉపయోగించే జాతీయమిది. పంటపండే చేను అయితేనే దానివల్ల ఎవరికైనా ఉపయోగం. ఆ చేలో ఉన్న చెట్టు చేమ వల్ల ఏదో ఒక ప్రయోజనం నెరవేరుతుంటుంది. అలా లేనప్పుడు ఆ చేను బీడు భూమి అయినప్పుడు ఏ ఉపయోగమూ ఉండదు. చేలో చెట్టు ఉన్నప్పుడు ప్రయోజనం సమకూరినట్టుగానే వూళ్లో చుట్టాలున్నప్పడు ఉపయోగం ఉంటుంది. ప్రతి మనిషీ చుట్టాలను, స్నేహితులను సమకూర్చుకోవాలన్న సూచన కూడా కన్పిస్తుంది. మూలం: ఈనాడు.నెట్
-
చేపల చెరువుకు కొంగను కాపలా ఉంచినట్టు
అసంబద్ధమైన నిర్ణయం తీసుకోవటం, రక్షణ కావలసినచోట శత్రువుకు అవకాశం కల్పించటం అనే లాంటి అర్థాలలో ఈ జాతీయం ప్రయోగం కనిపిస్తుంది. చేపలు కొంగకు ఆహారం. చేపల చెరువు దగ్గరకు కొంగలు రాకుండా రైతులు జాగ్రత్తపడుతుంటారు. అలాంటిది ఏకంగా కొంగను తీసుకొచ్చి చేపల చెరువుకు కాపలాపెడితే ఏం జరుగుతుందో ఎవరైనా వూహించవచ్చు. అలాగే కొన్ని కొన్ని సందర్భాలలో అనాలోచితంగా వ్యవహరించి కొందరు శత్రువుకు స్థానం కల్పించి మోసపోతుంటారు. అలాంటి పరిస్థితులను గురించి వివరించాల్సి వచ్చినప్పుడు ఈ జాతీయం ప్రయోగం…
-
పడిశం పది రోగాల పెట్టు
దేహ సంబంధమైన రోగాల గురించి కూడా మన జాతీయాలు విశ్లేషిస్తుంటాయి. వైద్యశాస్త్రపరంగా పలు జాతీయాలు కూడా ప్రచారంలో ఉన్నాయి. అలాంటి వాటిలో ఇదొకటి. రోగ సంబంధమైన విషయాలను అనుభవపూర్వకంగా తర్వాత తరాల వారికి తెలియజేసే వాటిలోనిది ఇది. పడిశం సర్వసాధారణమైన రోగంగా అనుకోవడానికి వీలులేదు. ఎందుకంటే పడిశం పడితే పది రోగాలు ఒకేసారి ఎంత ఇబ్బంది పెడతాయో అంత ఇబ్బంది మనిషికి కలుగుతుంది. ఈ విషయాన్ని అత్యంత సులువుగా, నేరుగా తెలియచెప్తున్నట్లు ఉంటుంది ఈ జాతీయం. మూలం:…