Latest posts
-
వూళ్లో ఇల్లూ లేదు, వూరిబయట చేనూ లేదూ
ఏమంతగా ధనవంతుడైనవాడు కాడు, సాధారణమైన సంపాదన మాత్రమే ఉందని చెప్పాల్సినచ్చినప్పుడు ఈ జాతీయాన్ని వాడటం కనిపిస్తుంది. సొంత ఇల్లూ, పొలమూ ఉండటం ఆస్తి ఉందని చెప్పటానికి, ధనవంతుడేనని నిర్ధరించటానికి కొంత ఆధారంగా ఉంటాయి. అలా లేనివాడు నిరుపేద అని భావించి చెప్పే సందర్భాలలో ఈ జాతీయ ప్రయోగం కనిపిస్తుంది. 'వాడికి పిల్లనిచ్చేదెవరు? వూళ్లో ఇల్లూ లేదు, వూరి బయట పొలమూ లేదు' అనేలాంటి ప్రయోగాలున్నాయి.
-
చెప్పి చెప్పి…
'చెప్పి చెప్పి చెప్పుతో తన్నించుకో, మళ్లీ వచ్చి మాతో తన్నించుకో' అన్నది జాతీయం. ఓ మంచి విషయాన్ని ఎంత చెప్పినా ఎవరూ వినిపించుకోని సందర్భంలో విసిగివేసారిన వారు ఉపయోగించే జాతీయమిది. ఇరుపక్షాల నడుమ రాజీ కుదర్చాలని ఓ వ్యక్తి తెగ ప్రయత్నం చేశాడట. అందులో ఓ పక్షం వారు అసలు మాట వినకపోగా అవమానించి పంపారట. పోనీ రెండోపక్షం వారైనా మాటవింటారేమోనని వారి దగ్గరకు వెళ్లినా అదే పరిస్థితి ఎదురైందట. ఈ భావన ఆధారంగా ఈ జాతీయ…
-
చీమలు పాకితే రాళ్లరుగుతాయా అన్నట్టు
అల్పులకు సహాయం చేసినందువల్ల సంపన్నులకు ఎలాంటి నష్టమూ ఉండబోదని తెలియచెప్పే సందర్భాలలో ఈ జాతీయ ప్రయోగం కనిపిస్తుంది. చీమలు తమకు కావల్సిన ఆహారాన్ని పొందటానికి బండల మీద అటూఇటూ పాకుతూ ఉంటాయి. అంతమాత్రంతో ఆ బండ అరగటం కానీ ఇతరత్రా మరెలాంటి నష్టాన్ని పొందదు. ఇదే తీరులో ధనహీనులకు సహాయం చేసినందువల్ల సంపన్నులు నష్టపోయేది ఏమీ ఉండదని, కనుక సహాయం చెయ్యాలని తెలియచెప్పటమే ఈ జాతీయంలోని అంతరార్థ´ం. ''చీమలు పాకితే రాళ్లరుగుతాయా చెప్పండి.. ఈ కాస్త సహాయం…
-
ఏనుగుల పోట్లాటకు ఎర్ర చీమ రాయబారమన్నట్టు
సమఉజ్జీగా లేని వ్యవహారం అనే అర్థంలో ఈ జాతీయం ప్రయోగంలో ఉంది. స్థాయిని మించి చేసే వ్యర్థ ప్రయత్నాలను విమర్శించే విషయంలో దీన్ని వాడుతుంటారు. ఏనుగుతో పోలిస్తే ఎర్రచీమ చాలా చిన్నదే. విడిగా అయితే ఆ ఎర్రచీమ ఎవరినైనా కుడితే కాస్తంత నొప్పి ఉంటే ఉండవచ్చేమో. అదే తన గొప్పబలమని భావించి ఆ ఎర్రచీమ రెండు ఏనుగుల నడుమ రాయబారం చేయాలని చూస్తే అది కుదరకపోగా ఏనుగుల పాదాల కిందపడి అసలుకే మోసం వచ్చే ప్రమాదం కూడా…
-
గడ్డేసిన తావునే గొడ్డును కట్టెయ్యాలన్నట్టు
వనరులు ఉన్నచోటే నివాసం ఉండటం మేలన్న విషయాన్ని తెలియచెప్పే జాతీయమిది. గడ్డి ఒకచోట వేసి గొడ్డును ఇంకొక చోట కట్టేస్తే మేత తినక గొడ్డు ఆకలితో మాడుతుంది. గడ్డి గొడ్డుకు ఆహారపు వనరు. ఇదే తీరులో అన్నీ అందుబాటులో ఉండేచోట ఉండటం మేలు కానీ మరో చోటైతే ఇబ్బంది కలిగితీరుతుంది అని చెప్పే సందర్భాలలో ఈ జాతీయ ప్రయోగం కనిపిస్తుది. 'గడ్డేసిన తావునే గొడ్డును కట్టేయాలన్నట్టు మీవాళ్ళందరూ నీకు సహాయంగా నిలిచే చోటే నీవు కూడా నివాసం…
-
పొద్దెప్పుడు కుంకుతుందా ముద్ద ఎప్పుడు మింగుతానా అన్నట్టు
పనిదొంగలు, తిండిపోతుల వ్యవహార శైలిని విమర్శిస్తూ పెద్దలు మాట్లాడే మాటల్లో ఈ జాతీయం వినిపిస్తుంటుంది. కొంతమందికి ఎప్పుడూ తిండి మీదే ధ్యాస ఉంటుంది. ఇది పూర్వకాలంనాడు ఆవిర్భవించిన జాతీయం. పూర్వం పొద్దుకుంకగానే అన్నం తినేసేవారు. ఓ వ్యక్తిని ఉదయం పూట పనిలోకి పెట్టకుంటే తిండి మీద ధ్యాస ఉన్న ఆ వ్యక్తి చెప్పిన పని చేయకుండా ఎప్పుడు పొద్దుకుంకుతుందా ఎప్పుడెప్పుడు ఇంటికి వెళదామా అని ఎదురుచూస్తూ కూర్చున్నాడట. ఆ విషయం ఆధారంగా ఈ జాతీయం ప్రయోగంలోకి వచ్చింది.…
-
ఇంటివారు గొడ్డు గేదంటే పొరుగువారు పాడి గేదె అన్నట్టు
ఇంట గెలిచి రచ్చ గెలవమన్నారు పెద్దలు. కానీ చాలామంది ఇంట్లో అవమానం పొందుతూ బయటవారి దగ్గర ప్రశంసలందుకుంటుంటారు. అలాంటి వారిని గురించి చెప్పాల్సి వచ్చినప్పుడు ఈ జాతీయాన్ని వాడటం కనిపిస్తుంది. గొడ్డుగేదెవల్ల ఉపయోగం లేదని దానికి పెట్టే మేత, నీళ్లు అన్నీ వృథా అనుకొంటుంటారు. అదే పాడిగేదె పాలిస్తుంది కనుక దానికి మేత, నీళ్లు ఇవ్వటానికి వెనుకాడరు. ఇదే తీరులో తన ఇంట్లో దేనికీ పనికిరాడన్న చీత్కారాలను పొందుతూ మంచి పనిమంతుడు అని బయట పదిమంది ముందూ…
-
అన్నీ తెలిసినమ్మ అమావాస్యనాడు…
అన్నీ తెలిసినమ్మ అమావాస్యనాడు చస్తే ఏమీ తెలియనమ్మ ఏకాదశినాడు చచ్చిందన్నట్టు అన్నది జాతీయం. ఈ జాతీయం తెలుగువారి ఆచార వ్యవహారాలు, నమ్మకాల ఆధారంగా అవతరించింది. చాంద్రమానాన్ని పాటించే తెలుగువారు అమావాస్య మంచిదికాదని భావిస్తారు. అది వారి నమ్మకం. కనుక ఆ రోజున మరణించటం మంచిది కాదన్నది భావన. ఏకాదశి మాత్రం ఉత్తమమైన తిథిగా, శుభకరమైనదిగా అనుకొంటుంటారు. ఆ రోజున మరణిస్తే వైకుంఠం ప్రాప్తిస్తుందంటారు. ఈ విషయాలన్నీ పూర్వం ఓ పెద్దావిడకు తెలుసట. ఇన్నీ తెలిసినామె అమావాస్యనాడే పోయిందట.…
-
గాలిలో మాట రాసినట్టు నీరు మూటకట్టినట్టు
వృథా కార్యాలు, వ్యర్థ ప్రయత్నాలు అనే అర్థంలో ఈ జాతీయం ప్రయోగంలో ఉంది. గాలిలో ఎంతసేపు రాసినా, ఏం రాసినా కనిపించదు. నీరు వస్త్రంతో మూటకట్టాలని ఎంత ప్రయత్నం చేసినా ఆ ప్రయత్నం ఫలించదు. ఇదే తీరులో కొన్ని కొన్ని పనులు అసాధ్యాలని తెలియచెప్పేటప్పుడు ఈ జాతీయాన్ని వాడటం కనిపిస్తుంది. 'వాడు చెప్పిన మాటలన్నీ గాలిలో రాసినట్టు నీరు మూటకట్టినట్టే ఉంటాయి జాగ్రత్త' అనేలాంటి ప్రయోగాలున్నాయి. మూలం: ఈనాడు.నెట్
-
ఆత్మ సంతోషానికి రోకటిబండ తంబురా అన్నట్టు
ఎవరి పిచ్చి వారికానందం అనేలాంటిది ఇది. రోకటిబండతో రోట్లో పచ్చడి నూరుకోవచ్చేమో కానీ తంబురా లాగా దాన్ని ఉపయోగించటం సాధ్యం కాదు. కానీ అలా చేస్తున్నాడంటే పిచ్చికింద లెక్కే. ఆ పిచ్చి అతడి ఆత్మానందానికి సంబంధించింది. దీని ఆధారంగానే ఈ జాతీయం ప్రయోగంలోకి వచ్చింది. ఎవరైనా అందరూ మెచ్చేలాగా కాకుండా కేవలం తమకు మాత్రమే నచ్చినట్లు ప్రవర్తిస్తున్నప్పుడు ''ఏం చేస్తాం ఆత్మ సంతోషానికి రోకటిబండ తంబురా అన్నట్టు వాడిపని వాడికే నచ్చినట్టుంది మరి'' అనేలాంటి ప్రయోగాలున్నాయి. మూలం:…