Latest posts
-
ఈ మొగానికి శేరు పసుపు…
ఒక్కొక్కసారి అనర్హులను అర్హులుగా భావించి వారికి సన్మానాలు, సత్కారాలు చేయటం జరుగుతుంటుంది. అలా అనర్హులకు లభ్యమయ్యే గౌరవాన్ని చూసినప్పుడు వారి విషయం తెలిసిన వారు విమర్శిస్తూ మాట్లాడే సందర్భాలలో ఈ జాతీయం ప్రయోగం వినిపిస్తుంటుంది. శేరు పసుపు ముఖానికి రాయాలంటే ఆ ముఖం ఎంతో పెద్దదై ఉండాలి. చాలా పెద్దది అనుకొని శేరు పసుపును తెప్పించి పెట్టిన తరువాత చిన్న ముఖంతో వచ్చిన వ్యక్తిని చూసి అనుకున్నట్లుగా ఈ జాతీయం కనిపిస్తుంటుంది. కానీ దీని వెనుక మాత్రం…
-
ఆరాటమేకానీ పోరాటం లేదన్నట్టు
బద్ధకస్తులైన ఆశపోతుల గురించి చెప్పాల్సి వచ్చినప్పుడు ఈ జాతీయాన్ని వాడటం కనిపిస్తుంది. ఆశతో ఇది నాకు కావాలి అని ఆరాటపడిపోతే చాలదు. కావాలనుకున్న దాన్ని సాధించుకొనేందుకు పోరాటం చేయాలి. అలా పోరాడి నిజాయతీగా కావలసిందేదో దాన్ని దక్కించుకోవాలి తప్ప నాకది కావాలి అని వూరక అనుకొంటూ కూర్చుంటే సరిపోదు అని తెలియచెప్పే సందర్భాలలో ఈ జాతీయం ప్రయోగం కనిపిస్తుంది. మూలం: eenadu.net
-
పంజరంలో పెట్టినా కాకి చిలుక పలుకులు పలకదన్నట్టు..
చిలుకలను పంజరంలో పెట్టి పెంచుకొనే అలవాటు కొందరికి ఉంటుంది. చిలుకలాగే కాకికూడా పక్షే కదా దాన్ని కూడా తెచ్చి పంజరంలో పెడితే చిలుకలాగే చక్కగా పలుకుతుందేమోనని ఓ వ్యక్తి అనుకున్నాడట. చిలుక పలకటానికి పంజరమే కారణమన్నది అతని భావన. అలాగే ఓ కాకిని తెచ్చి పంజరంలో పెట్టి కొన్నాళ్లు చూశాడట. ఎంత కాలానికీ ఆ కాకి చిలుకలాగా పలకలేకపోయిందట. ఈ జాతీయంలో చిలుకను మంచివారికి, కాకిని దుర్మార్గులకు ఉదాహరణగాను, పంజరాన్ని మంచి శిక్షణ ఇచ్చే కేంద్రంగానూ పోల్చి…
-
పాడిపసరం, పసిబిడ్డ ఒకటేనన్నట్టు..
వ్యవసాయం ఆధారంగా జీవించే కుటుంబాలు ఎక్కువ ఉన్న మనదేశంలో వ్యవసాయ నేపథ్యం నుంచి అనేక జాతీయాలు ఆవిర్భవించాయి. ఈ జాతీయం కూడా అలాంటిదే. పసరం అంటే పశువు అని అర్థం. పాడిపసరం అంటే పాడిగొడ్డు. అది ఆవు కావొచ్చు, గేదె కావొచ్చు. అలాంటి పశువులను ఏదో పశువులే అని నిరాదరించకుండా నిర్లక్ష్యం చేయకుండా ఇంట్లో పసిబిడ్డను ఎలా అయితే ప్రేమతో చూసుకుంటారో అలానే చూసుకోవాలి. అలా కాకపోతే నష్టమే అని తెలియచెప్పే సందర్భాలలో ఈ జాతీయ ప్రయోగం…
-
ఆముదపు విత్తులు ఆణిముత్యాలవుతాయా అన్నట్టు..
కొంతమందిని మార్చి మంచి పద్ధతిలో పెట్టాలని ఎంత ప్రయత్నం చేసినా అది సాధ్యం కాదు. వారి సహజ గుణాన్ని మార్చుకోక పాత పద్ధతిలో అలాగే ఉండిపోతారు. ఆముదపు గింజల్ని ఎంతగా చెక్కి రంగులద్దినా వాటిని ఆణిముత్యాలు అని ఎవరికైనా చూపించి నమ్మించటం కూడా కష్టమే అవుతుంది. ఇదే పద్ధతిలో సహజసిద్ధమైన పద్ధతులు ఎప్పుడూ మారవని, దానికోసం చేసే ప్రయత్నం వృథా అని వివరించే సందర్భాలలో ఈ జాతీయ ప్రయోగం కనిపిస్తుంది. మూలం: eenadu.net
-
తెగితే లింగడు రాయేనన్నట్లు
స్థానబలిమి కాని తన బలిమి కాదు అని అన్నాడు వేమన. తమతమ నెలవులు తప్పిన తమ మిత్రులే శత్రువులవుతారన్నాడు బద్దెన. అట్లాంటిదే ఇది. ఎవరికైనా స్థానం తప్పినప్పుడు, వేరొక కొత్త ప్రదేశానికి వెళ్లినప్పుడు సర్వసాధారణంగా అక్కడి స్థానికులకు ఆ వచ్చిన వారి గొప్ప తెలియక తక్కువుగా చూస్తుంటారు. ఓ వ్యక్తి తన మెడలో నిత్యం ఓ శివలింగాన్ని కట్టుకొని తిరుగుతూ ఉండేవాడట. ఓ రోజున అది తెగి ఎక్కడో కింద పడిపోయింది. ఆ శివలింగం కట్టుకొన్నవాడి మెడలో…
-
జరిగితే బండి, జరక్కపోతే బండ..
మనిషిగా గుర్తింపు పొందాలంటే నిత్యచైతన్యంతో విరాజిల్లాలి. అలాకాక బద్ధకంతో ఒకచోట పడి ఉంటే ఎవరూ లెక్కచేయరని తెలియచెప్పే సందర్భాలలో ఈ జాతీయ ప్రయోగం కనిపిస్తుంది. బండి చైతన్యానికి, చలనానికి ప్రతీక. బండ మొద్దుతనానికి గుర్తు. జరిగి ముందుకు సాగిందంటే అది బండి లక్షణం. ఒకచోట పడి ఉందంటే అది బండ లక్షణం. కనుక ఎప్పుడూ బండబారిపోయి ఉండొద్దు, బండిలా ముందుకు సాగుతూ ఉండు అని చెప్పేటప్పుడు ఈ జాతీయ ప్రయోగం కనిపిస్తుంది మూలం: eenadu.net
-
భోజుడు వంటి రాజు ఉంటే, కాళిదాసులాంటి కవి ఉంటాడన్నట్టు..
పాలకులను బట్టే ప్రజల జీవన విధానం ఉంటుందని తెలియ చెప్పే సందర్భాలలో ఈ జాతీయ ప్రయోగం కనిపిస్తుంది. భోజమహారాజు ప్రజలను చక్కగా పాలిస్తూ కవులను ఆదరించాడు కనుకనే కాళిదాసులాంటి కవి వెలుగు చూడగలిగాడు. కనుకనే సమాజంలో కళలు, కవిత్వం లాంటివన్నీ వృద్ధి చెందాలంటే ప్రభుత్వం తప్పనిసరిగా సానుకులంగా స్పందించాలని తెలియచెప్పాల్సి వచ్చినప్పుడు ఈ జాతీయాన్ని వాడటం కనిపిస్తుంది. మూలం: eenadu.net
-
వయస్సు తప్పినా వయ్యారం తప్పనట్లు..
ఏ వయస్సుకు ఆ ముచ్చటంటారు. ముద్దు ముచ్చట్లన్నీ యుక్తవయస్సులో ఉన్నప్పుడైతే చూడటానికి బాగుంటుందేమో కానీ వయస్సు మీరిన తర్వాత అవి అంతగా బాగుండవు. వయ్యారంగా ఉండటమనేది వయస్సులో ఉన్నవారికైతే చక్కగానే ఉంటుంది. వయస్సు మీరినవారు వయ్యారాలు పోతే అందరూ వెక్కిరించే పరిస్థితి ఏర్పడుతుంది. అలా ఎవరైనా తమ వయస్సుకు తగ్గ పనులు కాక వేరేలాగ ప్రవర్తిస్తున్నప్పుడు ఈ జాతీయాన్ని వాడటం కనిపిస్తుంది. మూలం: eenadu.net
-
ఉప్పు లేదు, కారం లేదు అమ్మతోడు….
'ఉప్పు లేదు, కారం లేదు అమ్మతోడు అయినా రుచిగానే ఉందన్నట్టు' అన్నది జాతీయం. కొంతమంది మొహమాటస్తులను గురించి వివరించి చెప్పేటప్పుడు ఈ జాతీయాన్ని వాడటం కనిపిస్తుంది. పదార్థానికి రుచి రావాలంటే ఉప్పు, కారం ఉండాలి. ఇది సర్వసాధారణమైన విషయం. కానీ ఉప్పు, కారం లేని కూరను వడ్డించినా ఓ వ్యక్తి చాలా మొగమాటంతో ఆ కూర ఎంతో బాగుందని మెచ్చుకున్నాడట. ఆ కూర చేసి వడ్డించిన వ్యక్తికి అది రుచిగా ఉండదని తెలుసు. కానీ తింటున్న వ్యక్తి…