Latest posts
-
ఇంట ఆచారత్వం, బయట బడా చోరత్వం..
పైకి ఒకలాగా లోలోపల మరొలాగా ప్రవర్తించేవారుంటారు. అలాంటి వారిని గురించి చెప్పాల్సివచ్చినప్పుడు ఈ జాతీయాన్ని వాడటం కనిపిస్తుంది. ఆచారత్వం, చోరత్వం అనే పదాలను ప్రాస కోసమో, తూగు కోసమో వాడినా అంతరార్థం మాత్రం ముక్కుసూటిగా తప్పును విమర్శించినట్టే ఉంటుంది. ఆచారాలు పాటిస్తున్నాను మీరూ పాటించండి అని చెప్పేవారు వేరొకచోటికి వెళ్లిన తరువాత ముందు చెప్పిన దానికి విరుద్ధంగా నీతినియమాలను పాటించకుండా అడ్డదిడ్డంగా వ్యవహరిస్తున్నప్పడు అలాంటివారిని ఈ జాతీయంతో వ్యవహరిస్తుంటారు. మూలం: eenadu.net
-
అదును చూసి పొదలో చల్లినా పండుతుందన్నట్టు
సమయ సందర్భాలను, సమయస్ఫూర్తిని పాటించినప్పుడే ఎవరికైనా విజయం దక్కుతుందనే విషయాన్ని వివరించి చెప్పే జాతీయం ఇది. సక్రమంగా వర్షాలు కురిసే నేల అదునుగా ఉన్నప్పుడు విత్తనాలు చల్లితే ఆ విత్తనాలు మొలకెత్తుతాయి. నేలమీద పొదలు అడ్డమున్నా ఆ పొదల నుంచి జారి నేలమీద పడ్డ గింజలు నేల అదునుగా ఉంటే పండితీరుతాయి. ఇలాగే సమయం, సందర్భం కలిసొచ్చి సమయస్ఫూర్తితో వ్యవహరించినప్పుడే అంతా సక్రమంగా నడుస్తుందని తెలియచెప్పే సందర్భాలలో ఈ జాతీయ ప్రయోగం కనిపిస్తుంది. మూలం: eenadu.net
-
పనికి పరాకు… తిండికి హుషారు
బద్ధకస్తులను గురించి తెలియచెప్పే సందర్భాలలో ఈ జాతీయాన్ని వాడటం కనిపిస్తుంది. బద్ధకస్తులు ఏదైనా పనిచేయమన్నప్పుడు పరాకుగా పరధ్యానంగా ఉంటుంటారు. అదే తినటానికి రమ్మంటే హుషారుగా ఎక్కడలేని ఓపికతో పరుగెత్తుతుంటారు. ఇలాంటి వారు ఎక్కడైనా కనిపించినప్పుడు వారి తీరును విమర్శిస్తూ ఉపయోగించే జాతీయం ఇది. మూలం: eenadu.net
-
ఇర్రికొమ్ము అంటే బర్రెకొమ్ము అన్నట్టు..
చెప్పిన దానికి విరుద్ధంగా ప్రవర్తించటం, ఒకపని చేయమంటే మరోలా అర్థం చేసుకొని వేరే ఏదోపని చేయటం అనేది కొంతమంది దగ్గర కనిపిస్తుంటుంది. అలాంటి వారిని గురించి చెప్పేటప్పుడు 'ఇర్రి కొమ్ము అంటే బర్రెకొమ్ము అంటాడు. వీడితో కలిసి ఎలా ప్రయాణం చేయాలో ఏమిటో మరి' అనేలాంటి ప్రయోగాలున్నాయి. ఇర్రి అంటే జింక, బర్రె అంటే గేదె అని అర్థం. మూలం: eenadu.net
-
అనిత్యాని శరీరాణి.. అందరి సొమ్మూ మనకేరాని..
మనిషిలోని బలహీనతలను, మోసగుణాలను వెక్కిరించే జాతీయాలు కూడా కొన్ని ఉన్నాయి. వ్యంగ్యంమాటున చురుకు పుట్టించే అలాంటి జాతీయాలలో ఇదొకటి. కొంతమంది ఎదుటివారికి విపరీతంగా నీతులు చెబుతుంటారు. తత్వోపదేశం చేస్తుంటారు. వారు మాత్రం అందుకు భిన్నంగా స్వార్థంతో ప్రవర్తిస్తుంటారు. అలాంటి వారిని గురించి తెలియ చెప్పేటప్పుడు ఈ జాతీయాన్ని వాడటం కనిపిస్తుంటుంది. ఈ శరీరాలు అనిత్యాలు. కనుక బతికిఉన్నకాలంలోనే అంతా మంచిగా ప్రవర్తిస్తూ నిస్వార్థంగా ఉండాలి అని ఒకాయన ఉపదేశం చేస్తూ ఆ ఉపదేశంమాటున స్వార్థంతో ధనార్జన కూడా…
-
ఎద్దు ఎండకు దున్న నీడకు లాగినట్లు..
సరిపోని జోడి, కలయిక కలవని మనస్తత్వాలు అనే లాంటి అర్థాలలో ఈ జాతీయం ప్రయోగంలో కనిపిస్తుంది. బండికి ఓ వ్యక్తి ఓ వైపు ఎద్దును, మరోవైపు దున్నను కట్టాడట. ఎద్దు ఒక వైపునకు, దున్న మరో వైపునకు బండిని లాగుతూ ఉంటే ఆ బండి ప్రయాణం ఎలా ఉంటుందో ఎవరైనా వూహించవచ్చు. అలాగే భిన్న స్వభావాలున్న మనుషులు ఒకచోట చేరి భిన్న అభిప్రాయాలను వ్యక్తపరుస్తూ జరగాల్సిన పనిని జరగనివ్వనప్పుడు ఈ జాతీయాన్ని వాడటం కనిపిస్తుంది. మూలం: eenadu.net
-
ఓపలేని అత్తకు వంగలేని కోడలన్నట్టు..
బద్ధకంలాంటి వాటిలో ఒకరిని మించినవారు ఇంకొకరు అని వ్యంగ్యంగా చెప్పే సందర్భాలలో ఈ జాతీయ ప్రయోగం కనిపిస్తుంది. అత్తకు ఓపిక లేదు ఏ పని చేసుకోలేదు అని అనుకొంటే ఆమెకు వచ్చిన కోడలు కూడా వంగటానికి ఇబ్బంది పడుతూ ఏ పనీ చెయలేని స్థితిలో ఉండిపోయిందట. ఇదే తీరులో ఒక వ్యక్తి తనకు అప్పచెప్పిన పని తన వల్ల కాదని ఇంకొకరి సహాయం అడిగితే వారంతకన్నా శక్తిహీనులమని చెబుతున్నప్పుడు ఈ జాతీయ ప్రయోగం కనిపిస్తుంది. మూలం: eenadu.net
-
కాగితం పులి .. ఏకుల ఏనుగు
ఆకారానికి మాత్రమే గంభీరంగా ఉండి వ్యవహారంలో తీసివేతగా ఉండే వ్యక్తులను గురించి చెప్పాల్సి వచ్చినప్పుడు ఈ జాతీయాన్ని వాడటం కనిపిస్తుంది. కాగితంలో చేసిన పులిబొమ్మ, ఏకులతో చేసిన ఏనుగు బొమ్మ ఆకారానికి మాత్రమే ఆ జంతువులను పోలి ఉంటాయి. అంతేకానీ ఆ జంతువుల్లాగా క్రూరంగానూ, బలంగానూ ఉండటం జరగదు. ఈ భావన ఆధారంగా డాంబికాలకుపోతూ కార్యశూన్యులై తిరిగేవారి గురించి చెప్పేందుకు ఈ జాతీయం అవతరించింది. మూలం: eenadu.net
-
గారాబాల బిడ్డకు…
గారాబాల బిడ్డకు గడ్డపారతో చెవులు కుట్టి చెవులకు పారలు తగిలించినట్టు అన్నది జాతీయం. కొంతమంది తమ పిల్లల విషయంలో అతి గారాబాన్ని చూపిస్తూ వారికి మేలు చేయటానికి బదులు కీడు కలిగించే పనులు చేస్తుంటారు. అలాంటి వారిని గురించి ప్రస్తావించాల్సి వచ్చినప్పుడు ఈ జాతీయాన్ని వాడటం కనిపిస్తుంది. చెవులు కుట్టటానికి సన్నటి సూదులను వాడటం, చెవులకు తగుమాత్రంగా ఉండే ఆభరణాలను పెట్టడం సర్వసాధారణంగా చేసే పని. కానీ ఓ తల్లి తన బిడ్డమీదున్న అతిగారాబంతో సన్న సూదులతో…
-
ఇదిగో దున్న అంటే అదిగో వెన్న అన్నట్టు
ఎవరేం చెబితే దాన్ని గుడ్డిగా నమ్మటం, దాన్నే ప్రచారం చేయటం చాలా సందర్భాలలో లోకసహజంగా కనిపిస్తుంది. అలా అమాయకంగా నమ్మి ఎవరైనా నమ్మినదాన్ని ప్రచారం చేస్తున్నప్పుడు ఈ జాతీయాన్ని వాడటం కనిపిస్తుంది. అదిగో పులి అనంటే ఇదిగో తోక అనేలాంటిదే ఇది. దున్న పాలివ్వదు. పాలుంటేనే వెన్న వస్తుంది. కానీ కొంతమంది మోసగాళ్లు ఈ దున్న పాలిస్తుంది అని మోసపు మాటలు చెప్పి నమ్మిస్తున్నప్పుడు అమాయకులు దాన్ని నమ్మి ఆ పాలనుంచి వెన్న కూడా ఇంకెవరో తీశారని,…